Tasnif
To‘plamdagi o‘n yillik ijod mahsuli uch qismga bo‘lingan holda davriylashtirilgan. Birinchi qism “Simurg‘” – o‘ttiz qush deb nomlanishi bejiz emas, bu 25-30 yosh oralig‘ida ona bo‘lgan Mehrinozning dunyoga bergan savollari, iztirob va shodliklarini o‘z ichiga oladi.
Ikkinchi qismi “Qaqnus”da esa u 20 dan 25 yoshgacha bo‘lgan yasham davrini, endigina katta hayotga qadam qo‘ygan ayolning yonib-kuyishlari, o‘z kulidan qayta-qayta bunyod bo‘lishlarini ro‘y-rost ko‘rsatadi.
So‘nggi – uchinchi qismi esa “Humo” deb nomlanadi. Siz kitobning bu qismida afsonalarni haqiqat deb o‘ylaydigan, mo‘jiza yuz berishiga telbalarcha ishonadigan 15-20 yashar o‘smir qizning gard tegmagan orzulari, shaffof xayollariga qanday ergashganingizni o‘zingiz ham sezmay qolasiz.
Avvaliga muallifning yashirin dunyosiga kirdim deb o‘ylaysiz. Aslida bu sizning – o‘ppa-o‘zingizning xos xilvatingiz bo‘lib chiqadi va shovqinlardan chekinib, yashash uchun takror kelgingiz keladigan manzilga aylanadi.
🟠So‘zboshi muallifi: Ibrohim G‘ofurov
🟠Mas’ul muharrir: Aziz Said
🟠Rassom: Elnur Egamov
🟠Muqova: qattiq
🟠Hajmi: 272 bet
