Перейти к содержимому
Поиск в
  • Дополнительно...
... bo‘yicha natijalarni qidirish
Natijalarni qidirish

Mahfuza

Tahririyat
  • Xabarlari

    47
  • A‘zo bo‘lgan sana

  • Tashrif buyurgan vaqti

Mahfuza haqida

  • Tug'ilgan sana 4 iyul

Profilga tashrif buyurganlar

Блок посетителей профиля отключен и не будет отображаться другим пользователям

  1. Mazkur kitobdan ХХ asr Andijon adabiy muhiti vakillaridan bo'lgan shoir, nosir, dramaturg, adabiyotshunos Hoshimjon Razzoqovning tarixiy mavzudagi dramalari o'rin olgan. Dramaturg bu asarlarda o'zbek mumtoz adabiyotining yorqin namoyandalari - Bobur, Nodira obrazlarini, ular yashagan tarixiy sharoit, ijtimoiy muhitni real voqeliklar asosida yoritgan. Tahrir hay'ati: A.S.Yuldashev, D.Quronov, I. Rasulov, B. Rahmonov, H.Karimov, R.R.Shamsutdinov, O'. Ubaydullayev, I.Madg'oziyev. To'plab, nashrga tayyorlovchi: Dildoraxon Abdullayeva Prof. Dilmurod Quronovning umumiy tahriri ostida ISBN 978-9943-5649-5-4 Akademnashr - 2019, 224 b. Qog'oz bichimi: 84х108 1 / 32 . Adadi: 1000 nusxa
  2. Kitob Lola Jo‘rayeva (Benazir) qalamiga mansub she'rlardan tashkil topgan. She'rlardagi tuyg'ular tasviri, yoniq qalb tug'yonlari o'quvchini befarq qoldirmaydi. Adabiyotga qiziquvchi keng kitobxonlar ommasiga mo'ljallangan. Taqrizchi: Bahodir Abdurazzoq, O'zbekiston Yozuvchilar uyushmasi a'zosi ISBN: 978-9943-5650-0-5 Akademnashr, 2019. – 80 b. Qog'oz bichimi: 84х108 1 / 32 . Adadi: 500 nusxa
  3. Taniqli shoira Zulfiya Mo‘minovaning «Donishmand toshbaqaning ko‘zoynagi» kitobi bolalar uchun hali hech qayerda aytilmagan ertaklarni o‘z ichiga olgan. Bolalarga xos beg‘uborlik, quvnoqlik va haqgo‘ylik bilan sug‘orilgan ushbu ertaklar murg‘ak qalbda kattalarga hurmat, kichiklarga izzat kabi fazilatlarni shakllantiradi. Ertaklarni o‘qigan bola ko‘z o‘ngida yangi multfilmlar namoyon bo‘ladi. Eng muhimi, bolada ertak qahramonlaridek jasur, bilimdon, mehrli bo‘lish istagi uyg‘onadi. ISBN 978-9943-5649-3-0 Akademnashr, 2019. – 32 b. Qog‘oz bichimi: 60x84 1 / 16 . Adadi: 5 000 nusxa.
  4. Ertaklar yosh avlod tarbiyasida muhim o‘rin tutadi. Ertak bilan birga bola qalbiga ezgu xislatlar, imon-e’tiqod, yaxshilikka havas, yomonlikka nafrat singadi. Sizga taqdim etilayotgan kitobdan yozuvchi Hidoyat Olimova tomonidan yozilgan yangi ertaklar kiritilgan. Yosh kitobxonlar va ota-onalarga mo‘ljallangan ushbu kitob sizga manzur bo‘ladi degan umiddamiz.
  5. «Fundamental dictionary for academic IELTS» lug‘ati ingliz va o‘zbek tillarida bo‘lib, talaffuzi va paradigmatik tuzilishi e’tiborga olingan. Uning asosiy vazifasi ingliz tilining xalqaro akademik so‘z boyligi bilan tanishtirishdir. Lug‘at ingliz tilida so‘zlashuv (speaking), ingliz tilida o‘qish (reading), ingliz tilida eshitish (listening), ingliz tilida yozish (writing)ni o‘rganishni o‘z oldiga maqsad qilib qo‘ygan maktab, kollej, litsey o‘quvchilari hamda milliy hamda chet el oliy o‘quv yurtlarida o‘qiyotgan talabalar, magistrlar hamda aspirantlar uchun mo‘ljallangan. Akademnashr, 2019. – 160 b. ISBN 978-9943-5649-4-7 Qog‘oz bichimi: 84x108 1 / 32 . Adadi: 2000 nusxa.
  6. MALLA SAVDOGAR Oʻzbek xalq dostoni Xalq dostonchiligi yana baralla yangramoqda, goʻyo Goʻroʻgʻliyu Avazxonlar el orasida ot surib yurgandek, bepoyon choʻl-biyobonlarni, qir-adirlarni toʻldirib erk uchun, or uchun kurashlarda javlon urayotgandek. Keyingi paytlarda xalq baxshilarining qoʻli qoʻliga tegmay qoldi. Mana bugun qoʻlingizga olgan kitobda Chorshanbi baxshi Rahmatullayev hamda Shoberdi baxshi Boltayev “Malla savdogar” dostonining oʻz variantlari bilan siz aziz oʻquvchini tanishtirishga bel bogʻlashgan. Mardlik, jasorat, muhabbat, sadoqat timsoli boʻlgan xalq qahramonlari bilan diydorlashishga tayyormisiz? Ushbu kitob keng kitobxonlar ommasiga moʻljallangan. Aytuvchilar: Chorshanbi baxshi Rahmatullayev Shoberdi baxshi Boltayev, Oʻzbekiston xalq baxshisi Abdunazar Poyonov, Oʻzbekiston xalq baxshisi Yozib oluvchilar: Abdoʻmumin Qahhorov, Abduolim Ergashev N a sh r g a t a y yo r l o v ch i l a r : Jabbor Eshonqulov, filologiya fanlari doktori, professor Roʻzimurod Choriyev, pedagogika fanlari nomzodi, dotsent M a s ʼ u l m u h a r r i r : Omonulla Madayev, filologiya fanlari nomzodi, dotsent T a q r i z ch i : Abdumurod Tilovov, filologiya fanlari nomzodi, dotsent ISBN 978-9943-5648-4-8 Akademnashr, 2019. – 400 b. Qogʻoz bichimi: 84x108 1 / 32 . Adadi: 1000 nusxa.
  7. OLTIN QOBOQ Oʻzbek xalq dostoni Baxshining doʻmbirasi yangrasa, butun atrof-tevarak sehrlangandek boʻladi, baxshining oʻzi esa sel boʻlib oqadi, bu seliga tinglovchini-da qoʻshib oqizib ketadi. Agar bu holat sizga notanish boʻlsa, yaxshisi, uni his etish uchun xuddi shu jarayonga tushib koʻring, oʻzingizni yangi olamda koʻra boshlaysiz. Bu – soʻz sehri, kuy sehri, ohang sehri, oxir-oqibat inson qalbiyu ruhiyatining chegara bilmas sezgilari moʻjizasi. Bu safar sizni ushbu moʻjizakor olamga “Oltin qoboq” dostoni bilan xalq baxshisi Abdunazar Poyonov boshlab boradi. Ishonamizki, mazkur kitob sizni bitmas-tuganmas xazinalar oroliga chorlaydi. Kitob keng kitobxonlar ommasiga moʻljallangan. Aytuvchi: Oʻzbekiston xalq baxshisi Abdunazar Poyonov N a sh r g a t a y yo r l o v ch i l a r : Jabbor Eshonqulov, filologiya fanlari doktori, professor Roʻzimurod Choriyev, pedagogika fanlari nomzodi, dotsent M a s ʼ u l m u h a r r i r : Omonulla Madayev, filologiya fanlari nomzodi, dotsent T a q r i z ch i : Abdumurod Tilovov, filologiya fanlari nomzodi, Т а қ р и з ч и : Абдумурод Тиловов, филология фанлари номзоди, доцент Akademnashr, 2019. – 464 б. ISBN 978-9943-5648-2-4 Qog'oz bichimi: 84х108 1 / 32 . Adadi: 1000 нусха
  8. Ushbu kitobda Surxondaryo va Qashqadaryo viloyatlarida faoliyat yuritgan va hozirda faoliyat yuritayotgan baxshilar ijodidan namunalar keltirilgan, ularning hayot yoʻliga qisqacha toʻxtalib oʻtilgan. Qolaversa, doʻmbira yasovchi ustalar haqida ham maʼlumotlar keltirilgan. Kitob uzoq yillik mashaqqatli mehnat samarasi boʻlib, toʻplovchi deyarli har bir baxshi bilan uchrashgan, ulardan termalar va dostonlardan parchalarni yozib olgan. Bu ijod namunalarining audioyozuvlari ham ilova qilingani kitobning qadrini yanada oshiradi. Kitob baxshilar maktabi oʻquvchilari, joylardagi madaniyat va sanʼat yoʻnalishidagi taʼlim muassasalarining folklor ijrochiligi boʻlimlari talaba va oʻquvchilari, shuningdek, xalq ogʻzaki badiiy ijodiga qiziqqan keng kitobxonlar ommasiga moʻljallangan. Toʻplab, nashrga tayyorlovchi: Oʻktam HAKIMOV Masʼul muharrir: Orziqul ERGASH Taqrizchi: Jabbor ESHONQULOV, filologiya fanlari doktori Akademnashr, 2019. – 208 b. ISBN: 978-9943-5648-5-5 Qogʻoz bichimi: 84x108 1 / 32 . Adadi: 1000 nusxa.
  9. ALPOMISH O'zbek xalq dostoni «Alpomish» dostonining ko‘plab variantlari mavjud. Bu variantlarning bir qismi chop etilib, xalqimizga taqdim etildi. Ular orasida Fozil Yo‘ldosh o‘g‘li, Po‘lkan shoir, Bekmurod Jo‘raboy o‘g‘li kabi baxshi-shoirlarimizning dostonlari alohida ajralib turadi. Bu dostonlar allaqachon kitobxonlarning eng sevimli kitobiga aylanib ulgurdi. Mazkur jilddan Janubiy O‘zbekiston dostonchilik maktabining yirik vakillari – Umir Safar hamda Mardonaqul Avliyoqul o‘g‘lining «Alpomish» dostoni variantlari joy olgan. Har ikkala variant ham syujet va motivlarning rang-barangligi, musiqiyligi, ohangdorligi hamda qiziqarli voqealarga boyligi bilan siz aziz o‘quvchilarni bee’tibor qoldirmaydi degan umiddamiz. Aytuvchilar: Umir baxshi Safarov, Mardonaqul Avliyoqul o‘g‘li Yozib oluvchilar: Oxunjon Sobirov, Qosimxon Muhammedov Nashrga tayyorlovchilar: To‘ra Mirzayev, O‘zbekiston Respublikasi Fanlar akademiyasi akademigi, filologiya fanlari doktori, professor, Jabbor Eshonqulov, filologiya fanlari doktori, professor, Ro‘zimurod Choriyev, pedagogika fanlari nomzodi, dotsent So‘zboshi va izohlar muallifi: Jabbor Eshonqulov, filologiya fanlari doktori, professor ISBN 978-9943-5648-3-1 Akademnashr, 2019. – 400 b. Qog‘oz bichimi: 84x108 1 / 32 . Adadi: 1000 nusxa.
  10. Ushbu kitob oʻtgan asrning atoqli shoirlaridan biri Amonulloxon Boqir qalamiga mansub sheʼrlardan tashkil topgan. Shoir aruzda ham, barmoqda ham eng talabchan adabiyot muxlislari didiga ham mos keladigan ajoyib nazm namunalarini yaratgan, har bir satrining pishiq-puxta va chuqur mazmunga ega boʻlishi uchun harakat qilgan. Kitob adabiyotga oshno keng oʻquvchilar ommasiga moʻljallangan. Akademnashr, 2019.– 240 b. Tahrir hayʼati: A.S.Yuldashev, D.Quronov, I.Rasulov, B.Rahmonov, H.Karimov, R.R.Shamsutdinov, Oʻ.Ubaydullayev, I.Madgʻoziyev Toʻplab, nashrga tayyorlovchi: Iskandar MADGʻOZIYEV prof. Dilmurod QURONOVning umumiy tahriri ostida ISBN: 978-9943-5457-0-0 Qog'oz bichimi: 84/108 1/32
  11. Kitobda inson hayotidagi murakkab va mas'uliyatli jarayon - farzand tarbiyasida ota-onalarga ko'makchi bo'la oladigan amaliy maslahatlar jamlangan. Ota-ona va farzand o'rtasidagi munosabatlar tahlil qilingan, tarbiya jarayonidagi nozik masalalar atroflicha yoritilgan. Kitob ruhshunoslar, pedagoglar va keng o'quvchilar ommasiga mo'ljallangan. Hajmi: 96 bet, bichimi: 84х108 1/32, adadi: 5000 dona
  12. Ushbu darslik 2002-yilda Oliy ta’lim vazirligi qoshidagi Oliy o‘quv yurtlari aro Muvofiqlashtiruvchi kengash tomonidan tegishli ta’lim yo‘nalishlari uchun darslik sifatida tavsiya etilgan «Adabiyotshunoslikka kirish» dar­sligining to‘ldirilgan va tuzatilgan 4-nashridir. Darslikda nazariy masalalar bugungi o‘zbek adabiy-nazariy tafakkuri va xorijdagi ilmiy qarashlarni uyg‘unlashtirgan holda yoritilgan, material didaktik talablar va o‘quv dasturiga muvofiq tarzda, izchillik va ketma-ketlikda taqdim etilgan. Hajmi: 480 bet, bichimi: 84х108 1/32; adadi: 1000 dona. ISBN 978-9943-5228-5-5
  13. Poytaxtimizning Olmazor tumanidagi 22-sonli maktabda “Akademnashr” nashriyoti, “Jajji akademik” jurnali, “Yosh tomoshabinlar teatri” hamda maktab ma’muriyati hamkorligida “Ma’naviyat kuni” doirasida kitoblar mutolaasiga bag’ishlangan bayram tadbiri o’tkazildi. Ushbu tadbirda so’zga chiqqan “Jajji akademik” jurnali bosh muharriri Feruza Nazarova, “Akademnashr” nashriyoti xodimi Mahfuza Imomova, “Yosh tomoshabinlar teatri” aktyori Baxtiyor Turg’unovlar o’quvchilarga kitoblarning hayotimizda tutgan o’rni va ahamiyati beqiyosligi, bolajonlar uchun chop etilayotgan jurnal hamda kitoblarning qiziqarliligi haqida gapirib berishdi. Tadbir davomida o’quvchilar tomonidan ijro etilgan go’zal kuy-qo’shiqlar, sahna ko’rinishlari tomoshabinlarda katta taassurot qoldirdi. Kichik kitobsevarlar o’zlarini qiziqtirgan barcha savollariga javob olishdi. Shuningdek, maktab binosida “Jajji akademik” jurnali va “Akademnashr” nashriyoti kitoblar yarmarkasi tashkil etildi. Tadbir so‘nggida maktab rahbariyati “Ma’naviyat kuni”ni o’tkazishda o’z hissalarini qo’shgan mehmonlarga minnatdorchilik izhor etishdi. Bu kabi tadbirlar bolajonlarni kitobga bo’lgan muhabbatini oshirishda, ularni yetuk inson bo’lib yetishishiga xizmat qilishini ta’kidlashdi.
  14. Ҳалима Аҳмедова, Ташбеҳ китобидан ЎЧИРҒИЧЛАР Сезаяпман, Келаяпсан қадам-бақадам, Деразам ортида олаяпсан нафас. Сени алдамоққа етмайди кучим, Довдирайман: шошма, Кўнглимда бор эди мовий орзулар Шошма, сен излаган одам мен эмас. Биламан сандадур ибтидо бирла интиҳо, Сукунат сандадур, Санда ишқ пинҳон О, сенинг ифоринг таралган дамда Энтикиб-энтикиб тўлғонади жон. На муҳаббат, на ёр, на толеъ топдим, Топганим шу бўлди: бир ҳовуч қайғу Кўнглимда бор эди мовий орзулар Дўст ниқобин кийган – Ўчирғичлар – дили тўла адовату кин. Мен ёмон кўраман ўчирғичларни. Эслайман, мактабда аълочи эдим, (Ҳаёт суймас экан аълочиларни) Ногоҳ хато қилиб битта жумлада Шошилиб-шошилиб уни ўчирдим. Ва дафтар варағи қолди тешилиб. Иншо дафтаримни қўлига олиб Бир зумгина унга қараб қолди жим, Сенга сабоқ бўлсин деди-ю менга Иккиланмай икки қўйди муаллим. Шундан сўнг англадим, Ўчириш санъатин менга ётлигин. Жавобсиз яшайман хатолар сўроқларида. Қанча ўчирғичлар зулми бор ахир Кўнглимнинг йиртилган варақларида. Биламан, қайдадир маккора аёл Кўнглимда бор эди мовий орзулар Бахтнинг юрагидан ёдимни ўчириш билан оввора Мен соғинчнинг синган кўзгуларини Ямаш учун излаб турганда чора… Қайси кун, Йўлнинг қоқ ўртасида туриб, Бир эркак ёлвориб мендан сўради: – Сиз мени мабодо танимайсизми? Хотирамнинг чироқлари ўчди ногаҳон. Ҳатто эслолмайман исмимни, Ким эдим билмайман, Уйимни топишга ёрдам беринг, сингилжон. О, ёмон эзилдим, Нега ўчирасан хотираларни? Азоб шамширингни сермаб бешафқат Десам, Дилимни тилининг остига ташлаб, Банги чолдай, Қўрқинчли қаради кўзимга ҳаёт. Кўнглимда бор эди мовий орзулар Дунёнинг қор босган бекатларида Кўраман, ўчирғичнинг сонсиз қурбонларини. Нега ўчиради орзуни, ишқни, мавжни Ўчирса бўлмасми юракнинг армонларини?! Ўчирғичлар Ҳасаднинг олови ва жаҳаннамнинг кулгусидан туғиладилар. Ҳар қандай таназзул изи уларнинг, Уволи тутмасми, хуни тутмасми Кун кўрмасдан ўтган кунларнинг. Ўчирилган тарихлар, ўчирилган тиллар – Сояси лопиллаб туради қонда. Яшаш нақадар қийин, яшаш бесамар Қўлида ўчирғич бўлган жаҳонда. Нечун ўчирғичлар олдида мудом Ўзин жуда ожиз сезади қалам. Инсофи бўлганда ўчирғичларнинг Дўппайиб кетмасди ернинг қорни ҳам. …Имом Ғаззолийнинг этакларидан Тўкилган бир хазон маҳзун жилмайди: – Хайрият бир япроқ бўлиб туғилдим, Япроқлар ўчириш илмин билмайди… Сезаяпман, Сен мени пойлаб турибсан, Маъзур тут келтирган бўлсам агар шак. Ишон, ҳақиқатнинг бир бўлагиман, Ахир, ҳақ хаёлин севаман бешак. Сен ахир, илоҳий ўчирувчисан Ўчирғичларни озод қил, бўшатгин вазифасидан. Токи ҳар юракда кулсин бир лола Симириб-симириб тонг нафасидан Токи парвардигор ҳаққи-ҳурмати Ишонч ёшартирсин бу чархи дунни. Кўзларда очилиб осмон эшиги – Садоқатли ёрдай кутайлик Тонгни, Кунни, Ҳар битта тунни. Ишонайлик ишқнинг чексизлиги-ю, Кўнгилнинг дарёга айланишига. Токи кириш мумкин бўлсин бемалол Жилмайиб оқаётган сувлар тушига. (Токи ўчирғичлар тортсин паришон) …Сезаяпман сен менга қараб турибсан Қалбим даласига қуёш нур экаётган маҳал. Жоним ичидаги Учирма бўлмаган семурғ боласи ҳаққи, Сен мени ҳозирча Ўчирма, ўчирма, ўчирма, Ажал!
  15. Kitob – beminnat ustoz. U bizni har lahza donishmandlarning bilim xazinasi bilan oshno eta oladi. Darhaqiqat, kitoblar buyuk moʻjizadir, ular beminnatlik bilan bizlarni oʻz sehrli olamiga eltadi. Oʻsha olamning chashmalaridan esa ziyo tomib turadi. Undan tatib koʻrgan insonlar faqatgina odamiylik va ezgulikni maqsad qiladi. Bugungi kunda yurtimizda kitoblar saviyasi va noshirlik ishlariga ham yetarlicha eʼtibor qaratilmoqda. Jumladan, Oʻzbekiston Respublikasi Prezidentining “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻib qilish boʻyicha kompleks chora-tadbirlar dasturi toʻgʻrisida” 2017 yil 13 sentyabrdagi qarorida belgilangan vazifalar ijrosini taʼminlash maqsadida bugun Oʻzbekiston Matbuot va axborot agentligining katta majlislar zalida “Noshirlik ishi: kitoblarning badiiy uslubiy saviyasi, kitobxon ehtiyojini qondirish borasida taklif va tavsiyalar” mavzuidagi amaliy konferensiya boʻlib oʻtdi. Tadbirdan koʻzlangan asosiy maqsad – kitobning jamiyatimiz maʼnaviy-maʼrifiy hayotidagi oʻrnini mustahkamlash, buyuk ajdodlarimizning yorqin xotirasini, zamonamiz qahramonlari timsolini haqqoniy va xalqchil aks ettiruvchi adabiyotlar salmogʻini koʻpaytirish, mutolaa madaniyatini oshirishdan iborat. Konferensiyada Oʻzbekiston Matbuot va axborot agentligi masʼul xodimlari, ijodkorlar, noshirlar, adabiyotshunoslar, mamlakatimizda faoliyat koʻrsatayotgan nashriyotlar vakillari hamda jurnalistlar ishtirok etdi. Konferensiya davomida ishtirokchilar bilan kitoblarning badiiy va uslubiy saviyasi, kitobxon ehtiyojini qondirish borasidagi muammo va yechimlar yuzasidan savol-javoblar, taklif va tavsiyalar berildi. - “Bizda yomon yozuvchilar va qoniqarsiz yozilgan asarlar boʻlishi mumkin, biroq oʻsha saviyasiz asarlarni kitob holida dunyo koʻrishida, ularning oilamizga, javonlarimizga kirib kelishida, eng ogʻriqli tomoni, farzandlarimizning qoʻliga tushishiga kim sababchi? Albatta biz va noshirlarimiz sababchi boʻlyapmiz. Avvalo aybni oʻzimizdan izlaylik, saviyasiz, oʻqishga munosib boʻlmagan kitoblarni chop etishdan voz kechaylik. Agarda chop etishga arzigulik asar topolmasak, hech boʻlmasa, yozuvchilarimizga oʻsha yaxshi gʻoyalarni beraylik, ularga yaxshi asarlar yozdiraylik. Nuqul moliyaviy tomondan foydamizni oʻylab, duch kelgan kitoblarni chop etib, xalqqa tarqatavermasdan ozgina farzandlarimizning maʼnaviyati, ularning tarbiyasi haqida ham qaygʻuraylik”, – deydi Oʻzbekiston Matbuot va axborot agentligi Bosh direktori Laziz Tangriyev. Darhaqiqat, kitoblarimiz shu qadar mukammal boʻlsinki, barcha qatlamdagi kitobxonning bundan koʻngli toʻlsin. Avvalo, ayrim noshirlarimizda, ming afsuski, oʻz kasbiga nisbatan masʼuliyat yetishmayapti, yaʼni, mazmun-mohiyati sayoz, gʻij-gʻij xatolarga toʻla kitoblarni ham bemalol xalq hukmiga havola etishmoqda. Haqiqiy isteʼdod egalarining emas, balki pulini oldindan toʻlab qoʻyganlarninggina kitoblari oʻquvchilar qoʻliga yetib bormoqda. Tanilib ulgurmagan, ammo ayrim taniqlilardan koʻra ancha saviyaliroq yozayotgan ijodkorlarni xalqimizga kim tanishtiradi? Yoki boʻlmasa, oʻzini ilmga bagʻishlab, pul topishga vaqti boʻlmagan ayrim olimlarimizning-da kitoblari nashriyotlarda chang bosib yotibdi. Ular yozayotgan ilmiy asarlar maʼnaviy mulkimiz, biz esa oʻz mulkimizga loqaydlarcha qaramayapmizmi? Har bir noshir ushbu savollarni oʻziga berib koʻrsa, maqsadga muvofiq boʻlardi. Shuningdek, Oʻzbekiston Matbuot va axborot agentligi boʻlim boshligʻi Muhiddin Omonov bugungi kun noshirlarining eng oqsayotgan jihatlaridan biri boʻlmish kitoblarning yuzi boʻlgan muqovalarga yetarlicha yondashilmayotganligi va bu sohada mutaxassislar kamligi haqida toʻxtalib oʻtdi. Nashriyotlarda faoliyat yuritayotgan yosh dizaynerlarning ustoz-shogird anʼanalarini davom ettirib, ushbu sohani mukammal egallashlari lozimligi taʼkidlandi va ishtirokchilarga mahoratli grafik dizayner Bahriddin Bozorovning ijodiy ishlari, uning yaratgan kitob muqovalari namoyish etildi. Bugungi kunda zamonaviy kitobxon ehtiyoji va uni qondirish borasida noshirlar oldidagi dolzarb vazifalar xususida soʻz olgan Akademnashr nashriyoti direktori Sanjar Nazarov, jumladan shunday dedi: - “Hozirgi kunda zamonaviy kitobxonning ehtiyoj va talablarini anglash murakkab. Axborot texnologiyalari jadal rivojlanib borayotgan davrda oʻquvchi injiq boʻlib qolgan, yaʼni ularga oddiy kitobni oʻqish baʼzida qiziqarli emasdek tuyuladi, chunki hozirda ovozli, yaʼni, audiokitoblar, 3D formatdagi yangicha kitoblar, maxsus qurilmada oʻqishga moʻljallangan elektron kitoblar, bolalar uchun oʻynab oʻqish mumkin boʻlgan oʻyinchoq kitoblargacha yaratilmoqda. Hatto shunday zamonaviy kitoblar bizda ham chop etilishi yoʻlga qoʻyilyapti. Bu degani, oʻquvchining ehtiyoji zamon bilan birgalikda rivojlanib bormoqda. Bu ham, qaysidir maʼnoda ijobiy, biroq men zamonaviy noshirlar oʻsha zamonaviy oʻquvchining ehtiyojlari ortidan ergashib yurmay, bilʼaks, kitobxonning didi va saviyasini oʻstiradigan kitoblar chop etib, ularni oʻz ortidan ergashtirishni maʼqul deb hisoblayman. Kitob bozorlarimizda baʼzan oldi-qochdi, saviyasiz kitoblarga talab yuqoriligini koʻrib, xafa boʻlamiz va ularning oqibatini ham koʻryapmiz. Ayniqsa, bolajonlar uchun chop etilayotgan ertaklar bilan bogʻliq tahlikali vaziyatlar ham yuzaga kelmoqda. Sababi, bolalar uchun kitob nashr etishga moslashmagan noshirlar biror chet davlatning ertaklarini tarjima qilib, oz-ozdan boshqa kitoblardan ertaklar qoʻshib toʻplab, kitob tayyorlashyapti va tabiiyki, kitobga obyekt, yaʼni oddiy tovar sifatida qaralmoqda. Ertaklar bolajonlar uchun chiqayotgan ekan, biz ularni saralab-saralab taqdim etaylik. Bugungi kunda, hattoki kitobxonning ehtiyojini ham tarbiyalashga ehtiyoj bor. Aslida biz kitoblarni yomon deyaverib, kitobxonlarni qoʻrqitib ham qoʻydik. Bizda bugun xorijda ham oʻz oʻrnini topa oladigan kitoblar bor va nashr etilmoqda. Davlat va millat uchun kitobdan boshqa najot yoʻli yoʻq. Shunday ekan, noshirlik sohasini millatning eng yaxshi ziyoli vakillari ishlaydigan sohaga aylantiraylik, olomonni oʻz ortimizdan ergashtirishga erishaylik”. Konferensiya davomida nashriyotlar faoliyatini takomillashtirish, muharrirlar masʼuliyatini oshirish boʻyicha taklif va tavsiyalar berildi. Shuningdek, zamonaviy kitobxon ehtiyoji va uni qondirish borasida noshirlar oldidagi dolzarb vazifalar, yosh muharrir, texnik muharrir, dizayner kadrlarni tayyorlash, ularning malakasi va tajribasini oshirib borish masalalari, bugungi kitob marketingi muammolari, nashriyotlar faoliyatining OAVlardagi targʻiboti kabi mavzularda fikr almashildi, mutaxassislarning taklif va tavsiyalari bildirildi. Mahfuza Imomova
×
×
  • Создать...